— თუ ადამიანს, რომელიმე ასაკში (მათ შორის ახალშობილის), გადატანილი აქვს სიყვითლე, თუმცა თავს ჯანმრთელად გრძნობს, აუცილებელია ღვიძლის სრულყოფილი გამოკვლევის ჩატარება, ღვიძლის ფარული დისფუნქციის გამორიცხვის მიზნით.
— თუ ავადმყოფს დადგენილი აქვს რომელიმე სახის ქრონიკული ჰეპატიტი და პრაქტიკულად არსებობს მისი ღვიძლის ციროზში ტრანსფორმირების ალბათობა, აუცილებელია გასტროენტეროლოგის მეთვალყურეობა. ავადმყოფს პერიოდულად უნდა ჩაუტარდეს ინსტრუმენტული და ლაბორატორიული გამოკვლევები, საჭიროების შემთხვევაში მედიკამენტური
მკურნალობა.
— თუ ავადმყოფს განუვითარდება კანის და თვალის სკლერების სიყვითლე, შარდის გამუქება, კანის ქავილი, აუცილებელია დადგინდეს მისი განვითა¬რების მიზეზები და დროულად ჩატარდეს მკურნალობა, რადგანაც გახან¬გრძლივებულმა სიყვითლემ შეიძლება გამოიწვიოს ღვიძლის ციროზული დაზიანება.
— თუ ავადმყოფს განუვითარდა ზოგადი სისუსტე, ადვილად დაღლა, წონაში დაკლება, კანის ქავილი, კანზე სისხლჩაქცევები, ხელისგულების სიწითლე, უმადობა, შარდის შემცირება, მუცლის შებერვები, ჰორმონალური დარღვევები, აუცილებელია გამოირიცხოს ღვიძლის ციროზის არსებობა.
— თუ ავადმყოფს დიაგნოსტირებული აქვს ღვიძლის ციროზის კომპენსირებული სტადია და ამავე დროს დადგენილია დაავადების განვითარების მიზეზი, ხშირად, სათანადო მედიკამენტური მკურნალობის შედეგად, დაავადების კომპენსირებული მდგომარეობა შეიძლება შენარჩუნებული იქნეს მრავალი წლის განმავლობაში.
